kevitra ao anatiny dia ny amin’ny famonjen’i YHWH ny olona
manoloana ny fahavalo masiaka sy ny fandrika mahafaty. Manao sary an’ohatra’i
Davida eto, ka toy ny ”rano”, no hanambarana ny bla fahatezerana lalina sy ny fandringanana
tian’ireo fahavalony hatao aminy [ מִמַּיִם רַבִּים(mimmaym rabbim) hoy ny filazana azy ao
amin’ny Salamo 18:17]. Tsindrian’i Davida, fa ireto fahavalony ireto, dia tena
mahery sy matanjaka. Tsy resiny izany raha ny herin’ny tenany manokana. Soa fa
eo YHWH miady ho azy, izay fitahiana lehibe hatolotra azy izany. Noho izany
asan’i YHWH momba sy manatrika ny mpanompony, toy izay efa fahita any amin’ny
Gen. 31:42 Isa. 1:9. Eo koa ny fiarovany ny olony. Izany antony izany eto, no mahatonga an’i
Davida hisaotra sy hankasitraka Azy. Mahery indrindra ity YHWH, izay tompoiny
ity, ka mendrika homena voninahitra.[1]
v Olona no Sujet
Indray mandeha ihany no ahitana izany ao amin’ny
Testamenta Taloha.[2] Hita izany ao amin’ny
1Samoela. 25:33
וּבָרוּךְ טַעְמֵךְ וּבְרוּכָה אָתְּ אֲשֶׁר
כְּלִתִנִי הַיּוֹם הַזֶּה מִבּוֹא בְדָמִים וְהֹשֵׁעַ יָדִי לִי׃
Ary hotahiny anie ny fahendrenao, ary hotahiny anie ianao,
izay niaro ahy androany tsy hahazo heloka amin'ny fandatsahan-drà ary tsy
hamaly ho an'ny tenako.
Fanazavana: Nisy tànana iray atao hoe Maona,
izay ao akaikin’i Hebrona, tafiditra amin’ny tany Kanana. Tao no nonina i
Nabala . Ny dikan’ny נָבָל (Nābhāl )
”adala”.[3] Raha hazavaina izany, dia tsy ilay
hoe adala marary saina no tena tsindriana, fa kosa ilay toetrany masika sy tsy
marina ary loza be teo anivon’ny fiaramonina nisy azy (and 2-3). na ireo ray
aman-dreniny, na ny vadiny Abigaila, dia samy mahafantatra io toetra ratsiny io
avokoa (and 25). Ambara ihany koa fa lehilahy manankarena izy (manana biby
fiompy maro toy ny ondry aman’osy). Noho io toetra ratsiny io, na dia Davida
mpanjaka aza no nangataka tolo-tanàna taminy (fanampiana ara-tsakafo ho an’ny
miaramila), dia tsy nanome izy ary mbola naniratsira ihany koa. Tsy mba
nahavaly fitia an’i Davida izy, eny na dia efa narovan’ity farany tamin’ireo
fahavalo mpandroba aza ireo hareny.[4]